O gün gəlib çıxıdı! Nəhayət ki, bu axşam Bakı vaxtı ilə saat 19:00-da Fransanın paytaxtı Parisdə “La Seine Musicale” konsert zalında “Uşaq Avroviziyası – 2021” mahnı müsabiqəsi keçiriləcək.
Müsabiqədə Azərbaycanı “Səs Uşaqlar” mahnı müsabiqəsində 2-ci yeri qazanmış Sona Əzizova “One of those days” mahnısı ilə təmsil edəcək.
Sonaya dəstək olmaq üçün https://vote.junioreurovision.tv/ saytına keçid edərək heç bir ödəniş etmədən səs verə bilərsiniz. Xatırladaq ki, səsvermə bu gün saat 19:00-dək, yəni tədbir başlayana qədər davam edəcək və sonuncu iştirakçının çıxışından dərhal sonra 15 dəqiqəlik yenidən bərpa olunacaq.
Qeyd edək ki, bu il 19 ölkə (Albaniya, Almaniya, Azərbaycan, Bolqarıstan, Ermənistan, Fransa, Gürcüstan, İrlandiya, İtaliya, İspaniya, Qazaxıstan, Malta, Niderland, Şimali Makedoniya, Polşa, Portuqaliya, Rusiya, Serbiya və Ukrayna) müsabiqədə qalib olmaq üçün yarışacaq.
Uğurlar Sona!
